November 17, 2026, 6:38 am
» लोहोरो प्रहारबाट श्रीमतीको मृत्यु, श्रीमान् पक्राउ » एमाले स्थायी कमिटी बैठक आज बस्दै » भाटभटेनीको टंगाल शाखा अब २४ घण्टै खुल्ने » सुनचाँदीको मूल्यमा आजपनि गिरावट » आजको विदेशी मुद्राको विनिमयदर

लोहोरो प्रहारबाट श्रीमतीको मृत्यु, श्रीमान् पक्राउ

मंसिर १, २०८३ मा प्रकाशित | १४०४ दर्शक तीव्रखबर

सिन्धुली । सिन्धुलीको कमलामाई नगरपालिका–१० डाँडाटोलमा श्रीमानले ढुङ्गाको लोहोरो प्रहार गर्दा श्रीमतीको मृत्यु भएको छ ।

प्रहरीका अनुसार गएराति करिब १ बजे सामान्य विवाद हुँदा ४२ वर्षीय मनोज कार्कीले आफ्नी ४० वर्षीया श्रीमती सानुकुमारी कार्कीको टाउकोमा ढुङ्गाको लोहोरोले प्रहार गरेका थिए । प्रहारबाट गम्भीर घाइते भएकी सानुकुमारीको मृत्यु भएको हो ।

घटनाबारे राति १: १५ बजे जानकारी प्राप्त भएपछि इलाका प्रहरी कार्यालय भिमान र जिल्ला प्रहरी कार्यालय सिन्धुलीबाट प्रहरी टोली घटनास्थल पुगेको थियो ।

घटनामा संलग्न मनोज कार्कीलाई प्रहरीले नियन्त्रणमा लिएको र घटनाबारे थप अनुसन्धान भइरहेको प्रहरीले जनाएको छ ।

प्रतिक्रिया

Leave a Reply

Your email address will not be published. Required fields are marked *