November 18, 2026, 10:57 am
» इनम प्रकरण – अनुसन्धानलाई प्रभाव पार्ने सामग्री प्रकाशन नगर्न प्रहरीको आग्रह » नेप्सेमा आजपनि दोहोरो अंकको गिरावट, ४ अर्ब १५ करोडको कारोबार » दानबहादुर कार्कीको रिटमा कारण देखाउ आदेश, सरकारसँग लिखित जवाफ माग » प्रधानमन्त्री राहत कोषमा मौज्दात रकम साढे १८ अर्ब पुग्यो » २४ घण्टामा देशभर सवारी दुर्घटनामा ५ को मृत्यु, १२७ जना घाइते

सत्ता परिवर्तनले प्रतिनिधिसभाको बैठक प्रभावित, सोमबार ४ बजेका लागि सारियो

असार ३०, २०८१ मा प्रकाशित | १९४०४ दर्शक तीव्रखबर

काठमाडौं : प्रतिनिधिसभा बैठकको समय पुन: परिवर्तन गरिएको छ। सोमबार दिउँसो १ बजेका लागि निर्धारण गरिएको बैठकको समय  दिउँसो ४ बजेका लागि सारिएको संघीय संसद् सचिवालयका महासचिव पद्मप्रसाद पाण्डेय बताए।

माओवादी केन्द्रका अध्यक्ष पुष्पकमल दाहाल ‘प्रचण्ड’पदमुक्त भएर सत्ता परिवर्तनका भएसँगै प्रतिनिधिसभाको बैठक पनि प्रभावित भएको हो।

‘२०८१ असार ३१ गते सोमवार दिनको १ बजे बस्ने गरी निर्धारण भएको प्रतिनिधि सभाको बैठक विशेष कारणले निर्धारित समयमा बस्न नसक्ने भएकोले प्रतिनिधि सभा नियमावली, २०७९ को नियम ६ को उपनियम (३) बमोजिम सभामुखले सभाको अर्को बैठक मिति २०८१ साल असार ३१ गते सोमबार दिनको ४ बजे बस्ने गरी निर्धारण गर्नुभएको छ’, संसद् सचिवालयले जारी  गरेको सूचनामा भनिएको छ ।

नेपाल कम्युनिष्ट पार्टी (एमाले) का अध्यक्ष केपी शर्मा ओली अपराह्न ५ बजेपछि प्रधानमन्त्रीमा नियुक्त हुनेछन्। नेपाल कम्युनिष्ट पार्टी (एमाले) का अध्यक्ष केपी शर्मा ओली अपराह्न ५ बजेपछि प्रधानमन्त्रीमा नियुक्त हुँदैछन्। ओलीसहितको मन्त्रिमण्डलले सोमबार सपथ ग्रहण गर्नेछन्।

संविधानको धारा ७६ को उपधारा (२) बमोजिम प्रतिनिधि सभामा प्रतिनिधित्व गर्ने दुई वा दुई भन्दा बढी दलहरूको समर्थनमा बहुमत प्राप्त गर्न सक्ने प्रतिनिधि सभाको सदस्यलाई नेपालको प्रधानमन्त्री पदमा नियुक्ति गर्ने प्रयोजनका लागि राष्ट्रपतिले आइतबार अपरान्ह ५ बजे  भित्र पेश गर्न आव्हान गरेका छन्। राष्ट्रपतिको आह्वान गरेपछि शुक्रबार एमालेका अध्यक्ष ओलीले कांग्रेसको समर्थनमा सभापति शेरबहादुर देउवाको हस्ताक्षरसहित प्रधानमन्त्रीका लागि शुक्रबार नै दाबी पेस गरेका थिए।

प्रतिक्रिया

Leave a Reply

Your email address will not be published. Required fields are marked *