November 18, 2026, 10:57 am
» इनम प्रकरण – अनुसन्धानलाई प्रभाव पार्ने सामग्री प्रकाशन नगर्न प्रहरीको आग्रह » नेप्सेमा आजपनि दोहोरो अंकको गिरावट, ४ अर्ब १५ करोडको कारोबार » दानबहादुर कार्कीको रिटमा कारण देखाउ आदेश, सरकारसँग लिखित जवाफ माग » प्रधानमन्त्री राहत कोषमा मौज्दात रकम साढे १८ अर्ब पुग्यो » २४ घण्टामा देशभर सवारी दुर्घटनामा ५ को मृत्यु, १२७ जना घाइते

संसदमा कांग्रेस ठुलो पार्टी भएकाले अरुको भन्दा मन्त्री सिट संख्या धेरै हुन्छ : मीन विश्वकर्मा

असार ३०, २०८१ मा प्रकाशित | २३३०४ दर्शक तीव्रखबर

काठमाडौं,नेपाली कांग्रेसका नेता मीन विश्वकर्माले कामगर्न सक्ने र स्वच्छ छबी भएकालाई मात्रै सरकारमा पठाउने बताउनुभएको छ ।

जनताले विश्वास गरेका, योगदान, योग्यता, समावेशिता र प्रादेशिक सन्तुलनलाई मुख्य आधार बनाएर सरकारमा सहभागी हुने मन्त्रीको चयन गरिने उहाँले स्पष्ट पार्नुभयो ।

नेपाली रेडियो नेटवर्कको नेपाली बहससँग कुरा गर्दै पूर्व मन्त्रीसमेत रहनुभएका विश्वकर्माले पूरानालाई नदोहो¥याइ नयाँलाई अवसर दिने बताउनुभयो । यस्तै प्रधानमन्त्रीका रुपमा ओलीलाई साथ, सहयोग र समर्थन रहिरहने पनि उहाँको भनाइ छ ।

अन्य दलहरुको पनि समर्थन भएकाले अहिले नै कसको कति सिट भन्ने एकिन भइनसकेकाले राष्ट्रिय सहमतिको सरकारमा सबै मिलेर अगाडि बढ्ने बताउँदै अरुको भन्दा कांग्रेसको संख्या भने धेरै हुने उहाँको तर्क छ ।

हिजोको केन्द्रीय कार्य सम्पादन समितिको बैठकले पनि ओली नेतृत्वको सरकारमा सहभागी हुने निर्णयसहित मन्त्री चयनका लागि योगदान र योग्यतामा आधारित मापदण्ड तय गरेको छ ।

एमालेका अध्यक्ष आज प्रधानमन्त्री बन्दै हुनुहुन्छ । आज ओलीलाई राष्ट्रपतिले प्रधानमन्त्री पदमा नियुक्त गर्नुहुनेछ । आज समय ढिला हुने भएकाले भोलि बिहान ११ बजे प्रधानमन्त्री र मन्त्रीको शपथग्रहण कार्यक्रम हुने बताइएको छ ।

प्रतिक्रिया

Leave a Reply

Your email address will not be published. Required fields are marked *