November 19, 2026, 11:56 am
» २१ बुँदे संकल्प प्रस्ताव पारित गर्दै सकियो एमाले राष्ट्रिय भेला » २४ घण्टामा देशभर सवारी दुर्घटनामा ९ को मृत्यु, १४८ जना घाइते » दाङमा यात्रुवाहक बस दुर्घटना हुँदा २२ जना घाइते » नेप्सेमा समान्य वृद्धि, ३ अर्ब ८७ करोडको कारोबार » मलेसिया श्रमिक ठगी प्रकरण : पूर्वमुख्यसचिव अर्यालविरुद्ध पक्राउ पुर्जी जारी

सोमबारको बिदाले ‘ह्रस्व दीर्घ’लाई राहत, पाँच दिनमा कमायो तीन करोड ६५ लाख

मंसिर ४, २०८१ मा प्रकाशित | २०९०४ दर्शक तीव्रखबर

काठमाडौं- नायिका नीता ढुंगानाले निर्माण गरेको फिल्म मंगलबार पाँचौ दिनमा प्रदर्शनरत छ । आजसम्मको बक्स अफिस अकडा हेर्दा हलमा दर्शकहरुको उपस्थिति मध्यम रहेको पाइएको छ ।

वितरक कम्पनी ब्यांकटेस इन्टरटेन्मेन्ट अनुसार सुरुवाती चार दिनमा यस फिल्मले तीन करोड ६५ लाख ग्रस कलेक्सन गरेको छ । दोस्रो दिन शनिबार फिल्मले सबैभन्दा बढी एक करोड २० लाखको व्यापार गरेको थियो ।

सोमबारको सार्वजनिक बिदाको प्रभाव फिल्मको बक्स अफिस कलेक्सनमा देखिएको छ । आइतबारको तुलनामा यस फिल्मले १५ लाख बढी अर्थात् ९० लाखको व्यापार गरेको वितरक मनोज राठीले बताए । आइतबार भने फिल्मले ७५ लाखको कलेक्सन गरेको थियो । फिल्मले पहिलो दिन शुक्रबार ८० लाखको व्यापार गरेको थियो ।

दर्शकको यही संख्याको उपस्थितिले भने लगानी ६ करोड पुग्न अझै तीन दिन लाग्ने देखिन्छ । यस फिल्मले घरेलु बजारबाट मुनाफा निश्चित गर्न कठिन देखिन्छ । जसका लागि फिल्मले कम्तीमा  १२ करोडभन्दा बढी व्यापार गर्नुपर्ने हुन्छ ।

यस फिल्ममा नीता र ज्योतिषी एवम् नायक हरिहर अधिकारी मुख्य भूमिकामा छन् । भारतीय कलाकारहरू सुनील बर्मा, ब्रह्मानन्दम, पदीप रावत, मुहम्मद अली, कबिर दुहानको अभिनय रहेका कारण यस फिल्मले छायाङ्ककै क्रममा चर्चा बटुलेको थियो ।

फिल्ममा उनीहरुसहित सरोज खनाल, विपना थापा, सञ्जिता लुइँटेल, गरिमा शर्मा, रेखा थापालगायतको अभिनय छ । चन्द्र पन्तले निर्देशन गरेको यस फिल्मको कथा हरिहरले लेखेका हुन् ।

प्रतिक्रिया

Leave a Reply

Your email address will not be published. Required fields are marked *