November 16, 2026, 2:56 am
» अमेरिकामा हवाई सेवा अवरुद्ध हुँदा हजारौँ उडान प्रभावित » पश्चिमी न्यूनचापीय प्रणालीको प्रभाव, केही स्थानमा हल्का वर्षा र हिमपातको सम्भावना » उदाउँदो सूर्यलाई अर्घ दिँदै छठ पर्व सम्पन्न » प्रधानमन्त्रीको सचिवालयमा जिम्मेवारी हेरफेर » मुगुमा जिप दुर्घटना हुँदा तीन जनाको मृत्यु, दुई घाइते

पश्चिमी न्यूनचापीय प्रणालीको प्रभाव, केही स्थानमा हल्का वर्षा र हिमपातको सम्भावना

कार्तिक ३०, २०८३ मा प्रकाशित | १८०४ दर्शक तीव्रखबर

काठमाडौं। हाल नेपालमा पश्चिमी न्यूनचापीय प्रणालीको सामान्य प्रभाव रहेको छ।

जल तथा मौसम विज्ञान विभागका अनुसार हाल कोशी र सुदूरपश्चिम प्रदेशका हिमाली तथा पहाडी भूभागका साथै कर्णाली प्रदेशको हिमाली भूभागमा साधारणतया बदली (आंशिक बादल) लागेको छ। तराईका भूभाग, उपत्यका तथा नदीका खोँचहरूमा धेरै स्थानमा हुस्सु र कुहिरो लागेको छ भने देशका बाँकी भूभागमा मौसम मुख्यतया सफा रहेको छ।

दिउँसो कोशी प्रदेशलगायत बागमती र गण्डकी प्रदेशका हिमाली तथा पहाडी भूभागमा आंशिक बदली रहनेछ भने बाँकी भूभागमा मौसम मुख्यतया सफा रहनेछ।

साथै, कोशी प्रदेशका हिमाली तथा पहाडी भूभाग तथा बागमती र गण्डकी प्रदेशका हिमाली भूभागका एक-दुई स्थानमा हल्का वर्षा वा हिमपातको सम्भावना रहेको छ।

राति कोशी, बागमती र गण्डकी प्रदेशका हिमाली तथा पहाडी भूभागमा आंशिक बदली रहनेछ र बाँकी भूभागमा मौसम मुख्यतया सफा रहनेछ।

तराईका भूभाग, उपत्यका तथा खोँचहरूमा बिहानपख केही स्थानमा हुस्सु र कुहिरो लाग्नेछ। त्यसैगरी, कोशी प्रदेशका हिमाली तथा पहाडी भूभागका साथै गण्डकी प्रदेशको हिमाली भूभागका एक-दुई स्थानमा हल्का वर्षा वा हिमपातको सम्भावना कायमै रहेको छ।

प्रतिक्रिया

Leave a Reply

Your email address will not be published. Required fields are marked *