काठमाडौँ– प्रमुख प्रतिपक्षी दल नेपाली कांग्रेसको पदाधिकारीहरूको बैठक आज बस्दै छ । बैठक दिउँसो ३ बजे केन्द्रीय कार्यालय सानेपामा बस्नेछ ।

बैठकमा समसामयिक घटनाक्रम, सरकारका पछिल्ला गतिविधि लगायत विषयमा गहन छलफल हुने बताइएको छ ।

बैठकले सरकारले बुधबार दानबहादुर कार्कीलाई आईजीपीबाट हटाएर मनोज कार्कीलाई नियुक्त गरेको लगायत समसामयिक विषयमा पार्टीको धारणा बनाउने बुझिएको छ ।

कांग्रेसले यसअघि सरकारले पत्रकारहरूको पक्राउ र सञ्चारमाध्यममा गरेको धरपकड लगायत गतिविधिविरुद्ध संसदीय छानबिन समिति गठनको माग गर्दै तत्काल प्रतिनिधिसभाको बैठक बोलाउन माग गरिसकेको छ ।