काठमाडौँ । पछिल्लो २४ घण्टामा देशका विभिन्न स्थानमा भएका सवारी दुर्घटनामा १४ जनाको मृत्यु भएको छ भने १३९ जना घाइते भएका छन् ।

नेपाल प्रहरीले दिएको जानकारी अनुसार दुर्घटनामा मधेश प्रदेशमा ५ जनाको मृत्यु भएको छ भने लुम्बिनी प्रदेशमा ४ तथा कोशी प्रदेशमा ३ जनाको मृत्यु भएको छ । त्यस्तै कर्णाली र गण्डकी प्रदेशमा एक एक जनाको मृत्यु भएको छ ।

त्यस्तै देशभर भएका दुर्घटनामा १३९ जना घाइते भएका छन् । जस अनुसार मधेश प्रदेशमा २५ जना घाइते भएका छन् भने कोशीमा ३९ जना, काठमाडौँ उपत्यकामा २० जना, सुदूरपश्चिममा ११ जना, बागमतीमा ५ जना घाइते भएका छन् भने लुम्बिनीमा ३१ जना, कर्णालीमा ४ जना र गण्डकीमा ४ जना घाइते भएका छन् ।