November 18, 2026, 10:57 am
» इनम प्रकरण – अनुसन्धानलाई प्रभाव पार्ने सामग्री प्रकाशन नगर्न प्रहरीको आग्रह » नेप्सेमा आजपनि दोहोरो अंकको गिरावट, ४ अर्ब १५ करोडको कारोबार » दानबहादुर कार्कीको रिटमा कारण देखाउ आदेश, सरकारसँग लिखित जवाफ माग » प्रधानमन्त्री राहत कोषमा मौज्दात रकम साढे १८ अर्ब पुग्यो » २४ घण्टामा देशभर सवारी दुर्घटनामा ५ को मृत्यु, १२७ जना घाइते

साइबर अपराधको कारबाही: गायिका एलिना चौहानमाथि दुर्व्यवहार गर्ने पक्राउ

असार १९, २०८२ मा प्रकाशित | १६२०४ दर्शक तीव्रखबर

काठमाडौं,  लोकप्रिय गायिका एलिना चौहानमाथि सामाजिक सञ्जालमार्फत अशिष्ट टिप्पणी र गालीगलौज गर्ने एक व्यक्ति पक्राउ परेका छन्। नेपाल प्रहरीको साइबर ब्युरोले चितवनका ३३ वर्षीय गुन्जन राईलाई ललितपुरको बाडेगाउँबाट पक्राउ गरेको हो।

प्रहरी उपरीक्षक एवं साइबर ब्युरोका प्रवक्ता दीपकराज अवस्थीका अनुसार, गायिका चौहानले अश्लील र आपत्तिजनक कमेन्ट गर्ने व्यक्तिविरुद्ध उजुरी दिएकी थिइन्। सोही उजुरीका आधारमा अनुसन्धान अघि बढाउँदै राईलाई पक्राउ गरिएको जनाइएको छ।

अहिले अदालतबाट म्याद थप गरेर थप अनुसन्धान प्रक्रिया अघि बढाइने प्रहरीको भनाइ छ।

एलिना चौहानले विगतदेखि सामाजिक सञ्जालमा आफूविरुद्ध हुने दुर्व्यवहारका विरुद्ध आवाज उठाउँदै आएकी छन्। उनले अशिष्ट कमेन्ट गर्नेहरूलाई सार्वजनिक गर्दै सचेतना फैलाउने प्रयास समेत गरिरहेकी छन्।

प्रतिक्रिया

Leave a Reply

Your email address will not be published. Required fields are marked *