न्यायधिश अरुणकुमार झाको इजलासले अध्यक्ष कर्णलाई पुर्पक्ष थुनामा राख्ने आदेश दिएको जिल्ला अदालत मोरङका सुचना अधिकारी हेमबहादुर बुडाथोकीले बताए ।

मोरङ प्रहरीले बिहीबार सर्वसाधारणको करिब आठ करोड बचत हिनामिना गरेको भन्दै माछापुच्छ्रे बचत तथा ऋण सहकारी संस्थाका अध्यक्ष कर्ण सहित १०९ जना विरुद्ध ठगी मुद्धा दर्ता गरेको थियो ।

प्रहरीले संस्थाका अध्यक्ष विराटनगर १० का ५५ वर्षिय कर्णसहित सहकारीका पदाधिकारी, संचालक समितिका सदस्य, ऋण उपसमितिका संयोजक र सदस्य २१ जना र ८८ जना ऋणीलाई पनि प्रतिवादी बनाएर बिहीबार जिल्ला अदालत मोरङमा ठगी मुद्धा दर्ता गरेको थियो ।

कर्जा लिएर नतिरेपछि प्रहरीले ऋणीलाई पनि कसुरदार बनाएको थियो ।

गत भदौमा १०३ जना बचतकर्ताले अध्यक्ष कर्णसहित सञ्चालक समितिका सदस्य विरुद्ध ‘सहकारी ठगी’ मा उजुरी दिएपछि मोरङ प्रहरीले कर्णलाई पक्राउ गरेको थियो ।

अभियोग लागेका सस्थाका अध्यक्ष कर्ण बाहेक अरु १०८ जना फरार छन । उनीहरु विरुद्ध सहकारी बचतकर्ताको ७ करोड ८४ लाख २६ हजार ३ सय ३५ रुपैयाँ हिनामिना गरेको अभियोग छ ।