डोटीमा एकजना प्रहरी सहायक हवल्दारको मृत्यु भएको छ । इलाका प्रहरी कार्यालय बीपीनगरमा कार्यरत प्रहरी सहायक हवल्दार बहादुरसिंह पालीको बिहान  निधन भएको छ ।

बिहान सवा ३ बजे ड्युटीको क्रममा छाती दुखेर बेहोस भएका उनलाई तत्काल नजिकैको पोलिक्लिनिकमा पुर्याइएको थियो । थप उपचारका सेती अस्पताल लैजाने क्रममा उनको निधन भएको बताइएको छ ।

डडेल्धुराको भागेश्वर गाउँपालिका-५ का पालीको मृत्युको कारण थाहा हुन सकेको छैन ।