काठमाडौं/ बालकलाकार सचिन परियारको निधन भएको छ ।

स्वास्थ्यमा समस्या आएपछि एक साताअघि उनलाई महाराजगञ्जस्थित टिचिङ अस्पतालमा भर्ना गरिएको थियो । आईसीयूमा राखेर उपचार गरिए पनि उनको स्वास्थ्यमा सुधार आउन सकेको थिएन । आज बिहान करिब १० बजे उनको निधन भएको पारिवारिक स्रोतले जनाएको छ ।

उनले गाएका गीतहरू समाजिक सञ्जालमा सहजै भेटिन्छन् ।

सचिनले महानायक राजेश हमालसँग एक म्युजिक भिडियोमा अभिनयसमेत गरेका थिए भने हास्य श्रृखला ‘मेरी बास्सै’ मा पनि अभिनय गरेका थिए ।