काठमाडौं– केपी शर्मा ओली नेतृत्वको सरकारले देशभरिका सार्वजनिक यातायातको भाडा बढाएको छ । सरकारले मालबाहक सवारी साधानको पनि भाडा बढाएको छ ।

यात्रुबाहक सवारीको भाडा ३.३० प्रतिशत बढेको छ भने पहाडी बाटोमा चल्ने मालबाहक सवारीको भाडा ०.८३ प्रतिशत बढेको छ । तराईको बाटोमा चल्ने मालबाहक सवारीको भाडा ०.०५ प्रतिशत बढेको छ ।

इन्धनको अंश ३५ प्रतिशत र अन्य सूचकहरुको अंश ६५ प्रतिशत मानेर सरकारले भाडा समायोजन गर्दै आएको र सोही अनुरुप भाडा बढाइएको यातायात व्यवस्था विभागले जनाएको छ ।

बढेको भाडादर पुस २२ गते सोमबारदेखि नै लागू हुने जनाइएको छ ।