सिन्धुली । सिन्धुली जिल्लामा राष्ट्रिय फोटो प्रत्रकार समूह नेपालको जिल्ला शाखा गठन गरिएको छ ।

आज सिन्धुलीमाढीमा भएको प्रथम जिल्ला भेलाले उद्वव कुमार श्रेष्ठको अध्यक्ष्यतामा ११ सदस्यीय जिल्ला शाखा गठन गरिएको हो ।

जिल्ला शाखाको उपाध्यक्षमा पत्रकार बुद्ध नेपाली, सचिवमा राधिका बुढाथोकी, सहसचिवमा अशोक काफ्ले, कोषाध्यक्षमा कुमार दुलाल, सदस्यहरूमा गंगा विसङ्खे, दिलिप कुमार श्रेष्ठ, बिमला रजन मगर, पुनम सुनुवार, राजकुमार श्रेष्ठ र आस्था विश्वकर्मा रहेका छन् ।
कार्यक्रममा केन्द्र र बागमती प्रदेशको तर्फबाट बागमती प्रदेश सचिव कुमार श्रेष्ठले शुभकामना दिनु भएको थियो ।

उक्त अवसरमा रामेछाप जिल्लाका अध्यक्षको पनि उपस्थिति रहेको थियो । कार्यक्रमको प्रमुख अतिथि मरिण गाउँपालिकाको अध्यक्ष विमर्श मुक्तानले सिन्धुलीमा राष्ट्रिय फोटो पत्रकार समुह नेपालको शाखा विस्तार हुनुमा गर्व महशुस भएको र अब पर्यटन प्रर्वद्धनमा टेवा पु्ग्ने विश्वास गर्नु भयो ।