‘कुनै पनि प्रकारका भ्रष्टाचार सम्बन्धमा कुनै पनि दल विशेष हेरिनेछैन। दल विशेष छुट्याउनेछैन। कोही पनि भ्रष्टाचारीको अनुहार हेरिनेछैन। व्यवहार हेरेर कारबाही गरिनेछ,’ ओलीले भने।

उनले सुशासन कायम गर्ने सरकारको पहिलो प्राथमिकता रहेकाले जुनसुकै काण्डलाई कानुनी दायरामा ल्याइने बताए। ‘भ्रष्टाचार निवारण सरकारको प्रमुख प्राथमिकताको विषय हो। सहकारी ठगी, सुन काण्ड, नक्कली भुटानी शरणार्थी काण्डलगायत विषयमा आम जनताको चाहना बमोजिम राष्ट्र हितका लागि सुशासन कायम गर्न सरकार प्रष्ट छ। ठूला साना जो भए पनि कानुनी दायरामा ल्याउँछौँ,’ उनले भनेकतिपय विषयमा अदालतमा विचाराधीन रहेकाले सोही बमोजिम सरकारले आफ्नो कदम अगाडि बढाउने ओलीको भनाइ छ। राप्रपा सांसद सिंहले भ्रष्टाचार र सुनलगायतका काण्डका विषयमा प्रष्ट पार्न प्रधानमन्त्री ओलीसँग जवाफ मागेका थिए।