‘मैले प्रधानमन्त्रीज्यूलाई देखिराखेको छैन। उहाँले आफ्नो विश्वासको मत मागिरहनु भएको छ। तर, यो हलबाट उहाँ बेपत्ता हुनुहुन्छ। उहाँले सदनलाई महत्व नदिएको देखिन्छ। उहाँको निम्ति सबैभन्दा महत्वपूर्ण कुरो भनेको आजको सदनमा पूरा समय उपस्थिति आवश्यक थियो। सबैका विचारहरू र धारणाहरू सुन्ने धैर्यता राख्नुपर्थ्यो। अरुका वचनहरु सहन नसकेको ठान्नु भएको हो कि क्या हो। कसैका वचनहरू कटु निस्केका छैनन्। सबैका कर्णप्रिय नै  छन्। मेरा पनि कर्णप्रिय नै छन्,’उनले भने,’ मैले उहाँको उपस्थिति मात्रै संझाउन खोजेको हुँ।’

पूर्वप्रधानमन्त्री नेपालले एमाले अध्यक्ष ओली आफू स्वर्गतिर गएर अरूलाई लात्ताले हानेर नर्क पठाएको टिप्पणी गरे। उनले भने,’अघिल्लो दिन स्वर्ग गएपनि  नर्क गएपनि सँगसँगै जाने वाचा गरे पनि भोलिपल्ट आफू स्वर्गतिर गएर अरूलाई लात्ताले हानेर नर्क पठाए।’