काठमाडौं : गोरखाको धार्चे गाउँपालिका-५, रेसेफाँटमा पहिरोमा पुरिएका पाँच जनामध्ये चारको शव फेला परेको छ। एक जना अझै बेपत्ता छन्। बेपत्ता भएकाको खोजीका लागि नेपाल प्रहरी, नेपाली सेना, सशस्त्र प्रहरी बल र स्थानीयवासी जुटेका थिए। पहिरोमा पुरिएकारहरूको खोजी कार्य गरिएको थियो। हराइरहेका थप १ जनाको खोजी कार्य जारी रहेको प्रहरीले जनाएको छ।

आइतबार राति डाँडाबाट खसेको लेदोसहितको पहिरोले स्थानीय जीतबहादुर गुरुङको कृषि फार्म र एक घर बगाउँदा उनीसहित ३५ वर्षीया कान्छी गुरुङ,  ६० वर्षीय सुलाल कान्छा गुरुङ, ३३ वर्षीय रमेश गुरुङ र २४ वर्षीय रमेश परियार बेपत्ता भएका थिए।