चितवन : माडी नगरपालिका-१ ध्रुवचोकमा गैंडाको आक्रमणबाट एक जनाको मृत्यु भएको छ। भरतपुर महानगरपालिका-५ विकासचोकका ५५ वर्षीय शिवराज भण्डारीको मृत्यु भएको जिल्ला प्रहरी कार्यालयका प्रमुख प्रहरी उपरीक्षक गौतम मिश्रले जानकारी दिए।

उनका अनुसार आक्रमणबाट घाइतेको उपचारका क्रममा आज बिहान मृत्यु भएको हो। भण्डारीलाई यही माघ ३ गते माडी नगरपालिका-१ ध्रुवचोकमा गैँडाले आक्रमण गरेको हो।