काठमाडौं : आज नेपाली बजारमा सुनको मूल्य प्रतितोला २२ सयले घटेको छ। अन्तर्राट्रिय बजारमा सुनको मूल्यमा गिरावट  आएसँगै नेपाली बजारमा पनि आज सुनको भाउ घटेको हो।

त्यस्तै आज चाँदीको मूल्यमा पनि सामान्य गिरावट भएको छ  ।

शुक्रबार सुन प्रतितोला एक लाख ५३ हजारमा कारोबार भएको थियो। आज भने प्रतितोला एक लाख ५० हजार आठ सयमा खरिदबिक्री भइरहेको नेपाल सुनचाँदी व्यवसायी महासङ्घले जनाएको छ ।साथै चाँदीको मूल्य प्रतितोला २० रुपैयाँले घटेको छ  । शुक्रबार प्रतितोला एक हजार आठ सय ६० मा कारोबार भएको चाँदी आज एक हजार आठ सय ४० मा कारोबार भइरहेको छ।