काठमाडौं। कैलाश हेलिकोप्टरले एक हेलिकप्टर थप्ने जनाएको छ । कैलाशको छैटौं वर्षमा प्रवेश गरेको अबसरमा सो कुराको जानकारी गराएको छ र । हाल तीनवटा हेलिकोप्टरमार्फत व्यवसायिक उडान सेवा दिँदै आएको कम्पनीले आउँदो दुई वर्षमा थप एउटा हेलिकोप्टर विस्तार गर्ने योजना रहेको संचालक प्रतापजंग पाण्डेले बताएका छन् ।

छैटौं वर्षमा प्रवेश गरेको अबसरमा पाँच वर्षमा पाँचवटा हेलिकोप्टर संख्या विस्तारको व्यवसायिक योजना बनाएको तर, कोभिड १९ का कारण यो योजना धकेलिएको संञ्चालक पाण्डेले बताए । सन् २०१७ मे ५ तारिखमा पर्यटन मन्त्रालयबाट उडान इजाजतपत्र पाएको यो कम्पनीले सन् २०१८ मार्च २३ तारिखबाट आफ्नो सेवा सुरु गरेको थियो।

हाल यो कम्पनीले तीनवटा एयरबसको एएस ३५० बी ३ सिरिजको हेलिकोप्टरमार्फत उडान सेवा दिँदै आएको छ। एउटा हेलिकोप्टर विस्तारसँगै कम्पनीसँग चारवटा हेलिकोप्टर हुनेछ। कम्पनीले यात्रु चार्टर, कार्गो, सिलिङ, फिल्म लगायत विभीन्न क्षेत्रमा आफ्नो सेवा दिँदै आएको छ।