तीव्रखबर
विराटनगर- नेकपा एकीकृत समाजवादीका सम्मानित नेता झलनाथ खनालले पूर्व राष्ट्रपति र उपराष्ट्रपति फेरि राजनीतिमा फर्किनु नैतिक प्रश्न भएकाले यसबारे सोच्नुपर्ने बताएका छन् ।
सोमबार विराटनगरमा समाजवादी प्रेस संगठन मोरङले गरेको पत्रकार भेटघाटमा बोल्दै नेता खनालले पूर्व राष्ट्रपति र उपराष्ट्रपतिलाई राजनीतिमा फर्काउनु राजनैतिक मूल्य मान्यतामा देखिएको विग्रह भएको बताए ।
एक प्रश्नको जवाफमा खनालले संविधान संशोधन भन्दा पुनरावलोकन गर्न सुझाव दिएका छन् ।
उनले विगत १० वर्षमा संविधान कार्यान्वयन नै नभएको अवस्थामा संविधानले काम गर्न नसकेको भन्नु गलत टिप्पणी भएको बताए ।
उनले शासकीय स्वरुप परिवर्तनले मात्रै मुलुकको आर्थिक, सामाजिक र सांस्कृतिक परिवर्तन सम्भव नरहेको बताए ।
खनालले सामाजिक सञ्जाललाई नियमन गर्नैपर्ने अवस्था रहेको पनि वाक तथा अभिव्यक्ति स्वतन्त्रतालाई असर नपर्ने गरी विधेयक ल्याउन आग्रह गरे ।
उनले सामाजिक सञ्जाललाई मर्यादित बनाउन पनि नियमन गर्नुपर्ने धारणा राखेका छन् ।
प्रतिक्रिया