January 15, 2025, 4:13 pm
» आशिका तामाङलाई अनुसन्धान गर्न प्रहरीलाई अदालतले दियो पाँच दिन म्याद » पेट्रोलियम पदार्थको मूल्य बढ्यो » पाकिस्तानमा सैन्य कारबाहीमा चार आतंककारी मारिए » अधिबक्ता त्रिपाठी घटनामा सदस्यको संलग्नता भेटिए रास्वपाले कारबाही गर्ने » भुमी सबन्धी अध्यादेशमा बालेन साहको ब्यंग्य

अल नासरमा नवीकरण हुदैँ रोनाल्डो, प्रति सिजन २१० मिलियन डलर

माघ २, २०८१ मा प्रकाशित | ३१०दर्शक तीव्रखबर

काठमाडौं,  । क्रिस्टियानो रोनाल्डोले साउदी प्रो लिग टोली अल नासरसँगको सम्झौता नवीकरण गर्ने भएका छन् ।

स्थानीय मिडियाहरुले रोनाल्डोले अल नासरसँग एक बर्षको लागि सम्झौता नवीकरण गर्ने बताएका छन् ।

रोनाल्डोको अल नासरमा यसै बर्षको जुन ३० सम्म मात्र सम्झौता रहेको थियो । यो सम्झौता नवीकरण भएपछि रोनाल्डो विश्वकै सबैभन्दा धेरै कमाउने फुटबल खेलाडीको रूपमा स्थापित हुनेछन् ।

रोनाल्डो जनवरी २०२३ मा अल नासरमा अनुबन्ध भएका थिए । रोनाल्डोको आगमनसँगै विश्व फुटबलका धेरै सुपरस्टार खेलाडीहरु साउदी प्रो लिगमा पुगेका थिए । अहिले रोनाल्डोसहित करिम बेन्जमा, नेइमार जस्ता खेलाडी साउदी लिगमा रहेका छन् ।

रोनाल्डोले अल नासरसँग प्रतिसिजन २१० मिलियन अमेरिकी डलरभन्दा बढीको सम्झौता गर्न लागेको बताइएको छ ।

आफ्नो क्यारियरको अन्त्य तिर रहेका रोनाल्डोले अझै केहि बर्ष सक्रिय फुटबल खेल्ने संकेत गरेका छन् । रोनाल्डो फेब्रुअरी ५ मा ४० बर्षका हुदै छन् ।

प्रतिक्रिया