काठमाडौं : नेपाल प्रिमियर लिग (एनपीएल)को एलिमिनेटर खेलमा चितवनले १० ओभरमा ८१ रन बनाएको छ। टियु क्रिकेट मैदानमा कर्णालीविरुद्ध चितवनले १० ओभरमा ३ विकेटको क्षतिमा ८१ रन बनाएको हो।

यसअघि पावरप्लेमा ३ विकेट गुमाउँदै ४७ रन जोडेको चितवनले त्यसपछि भने कुनै विकेट गुमाएको छैन। चितवनले पहिलो ओभरको पाँचौं बलमा हसन इसाखिललाई १ रनमै गुमायो। उनलाई सोमपाल कामीले गुल्सन झाको हातमा क्याच गराए। दोस्रो विकेट अर्का ओपनर विपिन रावलको गयो। उनले १० बलमा ४ चौकासहित १८ रन जोड्दै क्याच आउट भए।

तेस्रो विकेट लुक बेन्केन्स्टाइनलाई जिसन मक्सुदले बोल्ड गरे। उनले १३ बलमा १ चौका र १ छक्कासहित १६ रन जोडे। हालः क्रिजमा कप्तान कुशल मल्ल २० रवि बोपारा २२ रनमा खेलिरहेका छन्। कर्णालीका लागि सोमपाल कामीले २ विकेट लिए। जिसन मक्सुदले १ विकेट लिए।