सर्लाही । लालबन्दी नगरपालिका-५ मेजरगंजस्थित सडकबाट अवैध लागूऔषध गाँजा ५ किलोग्राम सहित भारत सितामडी थाना बेला बथौडा ग्राम पंचायत मुजलिया बस्ने २० वर्षीय शंकर रामलाई सोमबार बिहान प्रहरीले पक्राउ गरेको छ ।
इलाका प्रहरी कार्यालय लालबन्दीबाट खटिएको प्रहरीले लालबन्दीबाट जब्दीतर्फ जाँदै गरेको बीआर ३० टि ४०२५ नम्बरको मोटरसाइकललाई जाँच गर्दा उक्त गाँजा फेला पारी चालक शंकरलाई पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।

अवैध लागूऔषध गाँजा बरामद,मोटरसाइकल चालकको खोजी
बारा, सुवर्ण गाउँपालिका-३ बक्तौरा नहरबाट अवैध लागूऔषध गाँजा करिब २७ किलोग्राम सोमबार दिउँसो प्रहरीले बरामद गरेको छ ।
अस्थायी प्रहरी पोष्ट चरमोहना र जिल्ला प्रहरी कार्यालय बाराबाट खटिएको प्रहरीलाई देख्नासाथ कञ्चनपुरबाट बक्तौरातर्फ आउँदै गरेको हाल नम्बर नखुलेको मोटरसाइकलमा सवार व्यक्तिले मोटरसाइकल र बोरा छाडि फरार भएपश्चात बोरा तलासी गर्दा २ वटा पोकामा रहेको उक्त गाँजा फेला पारी प्रहरीले बरामद गरेको हो ।
प्रहरीले हाल फरार मोटरसाइकल चालकको खोजी गर्नुको साथै यस सम्बन्धमा आवश्यक अनुसन्धान गरिरहेको छ ।