काठमाडौं । बाजुरामा ८ वर्षीया बालिकाको हत्या भएको छ । जिल्लाको बुढीगंगा नगरपालिका २ नडाङमा अन्दाजी ८ वर्षीया विनिता नेपालीको हत्या भएको हो ।

मानसिक सन्तुलन ठिक नभएका सोही गाउँका अन्दाजी ४८वर्षका नन्दे सनइले बालिकाको धारिलो हतियार प्रहार गरी हत्या गरेको प्रहरीले जनाएको छ । शुक्रबार साँझ सनइले बालिकाको घाँटी काटी हत्या गरेर बालिकाको टाउको साथमा लिएर आफ्नै घरमा रहेको भन्ने सूचनाका आधारमा प्रहरीले उनलाई नियन्त्रणमा लिएको हो ।

त्यस्तै आरोपित व्यक्तिबाट एक थान हसिया, एक थान बन्चरो र एक कोदालो बरामद गरिएको जिल्ला प्रहरी कार्यालय बाजुराले जनाएको छ । बालिकाको शव हिजो राति नै ल्याएर जिल्ला अस्पतालमा राखिएको छ ।