काठमाडौं– सहकारी संस्थाको बचत हिनामिना र ठगी प्रकरणमा मुछिएका पूर्वडीआईजी छविलाल जोशीलाई बयानका लागि चितवन लगिएको छ ।

चितवनस्थित सहकार सहकारी संस्थाको बचत हिनामिना प्रकरणमा मुछिएका उनलाई आइतबार पोखराबाट जहाजमार्फत् चितवन लगिएको हो ।

काठमाडौंस्थित गोर्खा मिडिया नेट्वर्कको ग्यालेक्सी टेलिभिजनका सञ्चालसमेत रहेका जोशीसँगै रामबहादुर खनाललाई पनि चिवतन लगिएको छ ।

पोखरास्थित सूर्यदर्शन सहकारी संस्थाको बचत ठगी प्रकरणमा प्रहरीले नेचर हर्ब्स इन्टरनेशनलका सञ्चालक रामबहादुर खनाललाई गत ९ कात्तिकमा पक्राउ गरेको थियो ।