काठमाडौं,  । काठमाडौंको सिनामंगलमा होटलमा झुण्डिएको अवस्गामा मृत फेला परेका युवायुवती श्रीमान-श्रीमती रहेको खुलेको छ ।

आज सिनामंगलको जन्मभूमि होटलको बरण्डामा दुई जना झुण्डिएको अवस्थामा फेला परेका थिए ।

घटनास्थलमा पुगेको प्रहरीका अनुसार मृत फेला पर्नेमा ३४ वर्षका रमेशमाझी र २९ वर्षकी शर्मिला माझी भएको खुलेको छ ।

उनीहरू हिजो शनिबार मात्रै क्यानडाबाट फर्केको खुलेको छ । सन् २०२२ मा क्यानडा गएका उनीहरू २ वर्षपछि हिजो शनिबार काठमाडौं फर्केका थिए ।

उनीहरु हिजो साँझ ७ बजेतिर होटलमा पुगेको खुलेको छ । चौथो तलाको १२० नम्बर कोठामा उनीहरु बसेका थिए ।

घटनाबारे थप अनुसन्धान भइरहेको प्रहरीको भनाइ छ । उनीहरुले आत्महत्या गरेको प्रहरीको आशंका छ ।