काठमाडौं,   : नागार्जुन नगरपालिका-६ सिगारेपाटी बस्ने ४६ वर्षीय दिपक कार्कीको टहरामा जुवातास खेलिरहेको अवस्थामा कार्की समेत १० जनालाई शनिबार दिउँसो प्रहरीले पक्राउ गरेको छ ।

प्रहरी वृत्त स्वयम्भूबाट खटिएको प्रहरीले उनीहरूलाई नगद ७९ हजार ५ सय २० रूपैयाँ र ५ बुक तास सहित पक्राउ गरेको हो ।

यसैगरी काठमाडौं महानगरपालिका-१४ कलंकीस्थित धादिङ गजुरी गाउँपालिका-८ घर भएका ५२ वर्षीय नानिकाजी बस्नेतको रणकालिका गेष्ट हाउसमा जुवातास खेलिहेको अवस्थामा बस्नेत समेत ५ जनालाई शनिबर दिउँसो प्रहरीले पक्राउ गरेको छ ।

प्रहरी वृत्त कालिमाटीबाट खटिएको प्रहरीले उनीहरूलाई नगद ४३ हजार १ सय ६० रूपैयाँ र २० बुक तास सहित पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।