काठमाडौं । चर्चित बलिउड फिल्महरु ‘थ्री इडियट्स’ र ‘जब तक हे जान’ छायांकन भएको थलो भारतको लद्दाखमा नेपाली फिल्म ‘जेरी अनटप’ छायांकन हुने भएको छ ।

लद्दाखमा लोकेसनको खोजी गरेर निर्माता सरोज न्यौपाने, निर्देशक सुयोग गुरुङ र अभिनेता अनमोल केसी केही दिनअघि काठमाडौं फर्किएका छन् । लद्दाख क्षेत्रको लेहमा यो फिल्मको केही दृश्य र गीतको छायांकन हुनेछ ।

‘हामी उक्त क्षेत्रको स्वीकृत लिएर फर्किएका छौं । फिल्मको महत्वपूर्ण दृश्य र गीत त्यहाँ खिचिनेछ जहाँ यसअघि थ्री इडियट्स र जब तक हे जानको सुटिङ भएको थियो’ न्यौपानेले भने ।

केही दिनअघि अनमोलले पनि लद्दाखमा लोकेसन खोजीको तस्वीर सेयर गरेका थिए । रोड ड्रामा जनरामा बनाउन लागिएको यो फिल्म यसअघि मुस्ताङमा खिचिने भनिएको थियो ।