तीव्रखबर
काठमाडौं– नेपाल प्रिमियर लिग (एनपीएल)को उपाधि प्रतिस्पर्धामा जनकपुर बोल्ट्सविरुद्ध सुरुवातमा उत्कृष्ट ब्याटिङ गरेको सुदूरपश्चिम रोयल्सले लगालग विकेट गुमाएको छ ।
११ ओभरसम्म आइपुग्दा विकेटविहीन रहेको जनकपुर विकेट विहीन थियो । १७ ओभरमा आइपुग्दा जनकपुरले चार विकेट हात पारेको छ ।
ओपनरद्वय सैफ जाइब र विनोद भण्डारीको ११७ रनको साझेदारी टुटाएपछि जनकपुरले लगालग जस्तै विकेट लिएको हो ।
११ ओभरको अन्तिम बलमा सैफ ६९ रन बनाएर आउट भए । १२ ओभरको दोस्रो बलमा विनोद ४१ रन बनाएर आउट भए ।
सुदूरपश्चिमका हर्मीत सिंह १४ ओभरको अन्तिम बलमा आउट भए । उनले ८ बलमा १ छक्काको सहयोगम केबल १४ रन जोडे ।
अर्को ब्याटर ब्रान्ड म्याकमुल्ले पनि १५ ओभरको अन्तिम बलमा ब्याटिङबाट बिदा भए । उनले १२ बलमा १ छक्काको सहयोगमा १४ रन जोडे ।
सुरुवातमा विकेट नखस्दा दबाबमा परेको जनकपुरलाई अहिले केही राहत मिलेको छ । खेल १७ ओभरमा आइपुग्दा सुदूरपश्चिम ४ विकेटको क्षतिमा १५६ रनको अवस्थामा छ ।
प्रतिक्रिया