काठमाडौ / गृहमन्त्री रमेश लेखकले जिल्ला प्रहरी कार्यालय कास्कीको हिरासत कक्षबाट बाहिरिएको भनिएको राष्ट्रिय स्वतन्त्र पार्टी (रास्वपा)का सभापति रवि लामिछानेको फोटोका सम्बन्धमा अनुसन्धान भइरहेको बताउनुभएको छ । भरतपुर विमानस्थलमा सञ्चारकर्मीहरुसँग कुरा गर्दै मन्त्री लेखकले प्रहरीलाई त्यसबारे गम्भीरतापूर्वक छानबिन गर्न भनिएको उल्लेख गर्नुभयो ।

उहाँले सत्यतथ्य बाहिर ल्याउन निर्देशन दिएको उल्लेख गर्दै भन्नुभयो, ‘भाको के हो सत्यतथ्य बाहिर आउँछ । त्यसपछि कारवाही प्रक्रिया अगाडि बढ्छ ।’ सहकारी ठगी आरोपमा अनुसन्धान जारी रहेका रास्वपा सभापति तथा पूर्व गृहमन्त्री लामिछानेको प्रहरी हिरासतमा सुतेको भनिएको फोटो हिजोदेखि सामाजिक सञ्जालम भाइरल भएको छ ।