काठमाडौं : एसीसी महिला यु-१९ एसिया कपमा नेपालले भारतलाई ९५ रनको लक्ष्य प्रस्तुत गरेको छ। टस हारेर ब्याटिङ गरेको नेपालले निर्धारित ओभरको खेलमा ८ विकेट गुमाएर ९४ रन बनाएको हो।

नेपालका लागि कप्तान पुजा महतोले सर्वाधिक २५ रन बनाइन्। त्यस्तै अलिशा कुमारी यादव २० रनमा अविजित रहिन्। अन्य खेलाडीले दोहोरो अंकको रन जोड्न सकेनन्।

भारतका लागि परुनिका सिसोडियाले सर्वाधिक ४ विकेट लिइन्। त्यस्तै आन्नदिता किशोर र मिथिला भीले १-१ विकेट लिए।