काठमाडौं – नेपाल प्रिमियर लिग (एनपीएल) अन्तर्गत शुक्रबार बिहान जारी लुम्बिनी लायन्ससँगको खेलको ११ औं ओभरको समाप्तिमा कर्णालीले चार विकेट गुमाएको छ ।

कीर्तिपुरस्थित त्रिवि क्रिकेट मैदानमा टस हारेर सुरुमा ब्याटिङको निम्तो पाएको कर्णालीले ११ औं ओभरको समाप्तिमा ५१ रन बनाएर चार विकेट गुमाएको हो ।

२२ बलको सामना गरेका कर्णालीका बाबर हयात एक चौका र एक छक्काको मद्दतमा २० रन बनाउँदा आउट भए । दोस्रो विकेटको रुपमा देव खनाललाई तीन रनमा गुमाएको कर्णालीले तेस्रो विकेटको रुपमा गुल्सन झालाई ८ रनमै गुमाएको हो । कर्णालीले चौथो विकेटका रुपमा चाडविक वाल्टनलाई १३ रनमै गुमाएको हो ।

लुम्बिनीका लागि कप्तान रोहित पौडेल र साद बिन जफरले एकएक विकेट हात पार्दा तिलक भण्डारीले दुई विकेट लिए ।