अध्ययनले सुदूरपश्चिम प्रदेशमा ३३ दशमलव आठ प्रतिशत नागरिकले चुरोट तथा सुर्तिजन्य पदार्थ सेवन गर्ने गरेको देखाएको छ । सर्भेक्षण गत फेब्रअरीदेखि मे सम्म गरिएको थियो ।
सो सर्वेक्षणले प्रदेशमा हाल धुम्रपान सेवन गर्ने २६ दशमलब छ प्रतिशत रहेको छ भने दैनिक धुम्रपान सेवन गर्ने १८ दशमलब तीन प्रतिशत रहेको छ ।
प्रदेशमा चुरोट (उत्पादन गरिएको÷हातले बेरेको चुरोट) सेवन गर्ने १९ दशमलब आठ प्रतिशत रहेको छ भने धुवारहित सुर्तिजन्य पदार्थ सेवन गर्ने १६ दशमलब आठ प्रतिशत रहेको देखाएको छ ।

प्रदेशको १३ दशमलब सात प्रतिशत जनताले हाल दैनिक धुवारहित सुर्तिजन्य पदार्थ सेवन गर्ने गरेको सो अध्ययनमा उल्लेख छ ।

सर्भेक्षण देशभरका १५ देखि ६९ वर्ष उमेरका पा“च हजार पा“च सय ९३ जनसंख्यामा गरिएको थियो । यस्तो सर्भे हरेक पाँच वर्षको अन्तरालमा गरिन्छ ।

सो सर्वेक्षणमा नेपालका २८ दशमलव ९ प्रतिशत नागरिकले चुरोट तथा सुर्तिजन्य पदार्थ सेवन गर्ने गरेको देखाएको छ । प्रदेशगतमा सबैभन्दा बढी प्रदेश ५ मा ३६ दशमलब ६ प्रतिशत जनताले चुरोट तथा सुर्तिजन्य पदार्थ सेवन गर्ने गरेको देखाएको छ । चुरोट तथा सुर्तिजन्य पदार्थ सेवन गर्नेमा सुदूरपश्चिम प्रदेश दोस्रो नम्बरमा देखाइएको छ । नेपालको सबैभन्दा कम प्रदेश १ मा २२ दशमलब आठ प्रतिशतले चुरोट तथा सुर्तिजन्य पदार्थ सेवन गर्ने गरेको देखाइएको छ ।

सर्भेक्षणले महिलाको तुलनामा पुरुषहरु ५ गुणाभन्दा बढी अम्मली रहेको देखाएको छ । सर्भेक्षण अनुसार नेपालका ४८ दशमलव ३ प्रतिशत पुरुष र ११ दशमलव ६ प्रतिशत महिलाले चुरोट तथा सुर्तिजन्य पदार्थ सेवन गर्छन् ।

चुरोटको तुलनामा धु“वारहित अन्य सुर्तिजन्य पदार्थ सेवन गर्नेको संख्या बढी रहेको सर्भेक्षणले देखाएको छ । चुरोट सेवन गर्ने १४ दशमलव ५ प्रतिशत रहेका छन् भने धु“वारहित सुर्तिजन्य पदार्थ सेवन गर्नेको संख्या १८ दशमलव ३ प्रतिशत रहेको छ ।

चरोट तथा सुर्तिजन्य पदार्थ मुटु, मधुमेह, रक्तचाप, क्यान्सर जस्ता नसर्ने रोगको प्रमुख कारण हो । चिकित्सिकले दीर्घकालिन रोगका प्रमुख कारण भएकाले यस्ता पदार्थ सेवन नगर्न सुझाब दिने गरेका छन् ।

सर्भेक्षण अनुसार नेपालमा विद्युतीय चुरोट प्रयोग गर्नेको संख्या बढेको छ । विगतमा यस्ता चुरोट प्रयोग गर्नेको संख्या नगन्य हुन्थ्यो । तर, अहिले सर्भेक्षणले झण्डै दुई प्रतिशत पुरुषले विद्युतीय चुरोट प्रयोग गर्ने गरेको देखाएको छ । सर्भेक्षण अनुसार १ दशमलव ७ प्रतिशत पुरुषले विद्युतीय चुरोट प्रयोग गर्ने गरेका छन् । भारत, चीन तथा धेरै देशले विद्युतीय चुरोट प्रतिबन्ध लगाइसकेका छन् । नेपालले पनि सन् २०१४ मा यस्ता चुरोट प्रतिबन्ध लगाउने निर्णय गरेको छ । तर, उक्त निर्णय भने अझैसम्म पनि कार्यान्वयनमा आउन सकेको छैन । साभार