September 19, 2024, 9:56 pm
» ‘शेरबहादुर देउवा रिसाएको दिन यो सरकार ढल्छ’ : रवि लामिछाने » श्रीलङ्कामा आर्थिक मन्दीपछि पहिलोपटक शनिबार मतदान हुँदै » ‘काठमाडौंवासीलाई घटस्थापना अघि मेलम्चीको पानी’ » बलिवुड गायक हिमेश रेशमियाका पिताको निधन » क्यान्सरको आशंकामा मासु लिएर चेक गर्न खोज्दा नमान्ने राउटे युवाको डिस्चार्जलगत्तै मृत्यु

चन्द्र भण्डारी भन्छन्- सरकार यसैगरी अघि बढे व्यवस्था संकटमा पर्छ, काँध थाप्न सक्दैनौँ

भदौ १८, २०८१ मा प्रकाशित | ५९०दर्शक तीव्रखबर

काठमाडौं- नेपाली कांग्रेसका नेता डा. चन्द्र भण्डारीले यही तरिकाले सरकार अघि बढेमा व्यवस्था संकटमा पर्नसक्ने चेतावनी दिएका छन् ।

मंगलबार) प्रतिनिधि सभा बैठकमा विशेष समय लिएर बोल्ने क्रममा उनले यथास्थितिमै सरकार अगाडि बढिरहे व्यवस्था, नेतृत्व र मुलुकमाथि नै संकट आउनसक्ने बताएका हुन् ।

संघीय लोकतान्त्रिक गणतन्त्र ल्याउनका लागि आफू पाँच वर्ष जेल बसेको बताएका भण्डारीले नेतृत्वको असक्षमताको भारी अब बोक्न नसकिने पनि बताएका छन् ।

‘यही तरिकाले सरकार जान्छ भने लोकतान्त्रिक व्यवस्थामाथि पनि संकट निम्तिन्छ । त्यसबेला संकट नेतृत्वमाथि पनि पर्छ । संकट मुलुकमाथि पनि पर्छ’, उनले भने, ‘त्यसकारण सरकारले गफ होयन, काम गरेर देखाउनुपर्छ । म व्यवस्थाका लागि लडेको व्यक्ति हुँ । पाँच वर्ष जेल बसेँ । पिटाई पनि खाएँ । तर, नेतृत्वको इच्छाशक्ति नहुँदा काम गरौँ भन्दा पनि हामीले जवाफ दिनुपर्ने ? यो भारी अब हामी बोक्न सक्दैनौँ ।’

भण्डारीले निर्माण व्यवसायीले सरकारी भुक्तानी नपाउँदा विकास रोकिएको पनि बताए । उनले व्यवसायीहरूको एक अर्ब निकासा गरिदिने हो भने करस्वरुप सरकारकै कोषमा ३८ करोड बढी आउने पनि जिकिर गरे ।

भण्डारीले सरकारले अर्थतन्त्र चलायमान बनाउनै नचाहेको जिकिर गरे । बैंकमा पैसा थुपारेर सरकार बसेका कारण अर्थतन्त्र डामाडोल अवस्थामा पुगेको दाबी भण्डारीको थियो ।

प्रतिक्रिया