काठमाडौं । ललितपुरको भैंसेपाटी आवास क्षेत्रमा रहेको डीएमआई बाइबल स्कुलको होस्टलमा एक विद्यार्थी मृत भेटिएका छन् ।

शनिबार बेलुकी ८ बजेतिर सो स्कुलको होस्टलमा मोरङका सकुल मर्डी मृत भेटिएको जिल्ला प्रहरी परिसर ललितपुरका एसपी नरेशराज सुवेदीले जानकारी दिए ।

उनी आफ्नो बेडमा सुतिरहेको अवस्थामा मृत भेटिएको उनले बताए । उनीछारे रोगको बिरामीसमेत रहेको खुलेको छ ।

यद्यपि मृत्युको कारणबारे पोष्टमार्टमपछि मात्रै खुल्ने एसपी सुवेदीले जानकारी दिए । घटनाको प्रारम्भिक अनुसन्धान सकेर प्रहरीले पोष्टमार्टमका लागि शव पाटन अस्पतालमा पठाएको छ ।