नवलपुर । नवलपुरको पहाडी सडक–खण्डमा ट्रयाक्टर पल्टिदा चालकको मृत्यु भएको छ । दलदले–बुलिङटार खण्डको बुलिङटार–४ चुलीबोझामा शनिबार ट्रयाक्टर पल्टिदा देवचुली ९ का २५ वर्षका विकास गोतामेको मृत्यु भएको हो ।

दलदलेबाट बुलिङटारतर्फ जाँदै गरेको लु ३ त ७६०७ नम्बरको ट्रयाक्टर आफै अनियन्त्रित भई दुर्घटना भएको बुलिङटार प्रहरी चौकीले जनाएको छ ।
दुर्घटनामा घाइते भएका गोतामेलाई उपचारको लागि पुरानो मेडिकल कलेज भरतपुर लगिएको थियो । अस्पताल पुर्याए पनि चिकित्सकले उनको मृत्यु भईसकेको बताएको प्रहरीले जनाएको छ ।

ट्याक्टर सडकदेखि अन्दाजी ३० मिटर तल गरेको प्रहरीले जनाएको छ ।