काठमाडौं- बिजुलीको पैसा नतिरेपछि नेपाली कांग्रेस संसदीय दलको कार्यालयको लाइन नेपाल विद्युत् प्राधिकरणले काटिदिएको छ । प्राधिकरणले बिहीबार बिहान सिंहदरबारस्थित कांग्रेस संसदीय दल कार्यालयको बिजुली काटिदिएको हो ।

तीन महिनासम्म बत्तीको बिल कांग्रेसले नतिरेपछि प्राधिकरणले कर्मचारी पठाएर लाइन काटिदिएको हो । अन्य ग्राहकको पनि तीन महिनासम्म बिल नतिरे लाइन कातिन्छ  ।

संघीय संसद सचिवालयले समयमै बिल नतिर्दा लाइन काटिएको हो । कांग्रेस संसदीय दलको करिब ६५ हजार बिल तिर्न बाँकी थियो ।

बिजुली काटिएपछि बिहीबार नै बिल तिरेकाले लाइन जोड्ने तयारी प्राधिकरणले गरेको छ ।