काठमाडौं : साताको दोस्रो कारोबार दिन मंगलबार प्रि ओपन सेसनमा नेप्से परिसूचक ४ अंकले बढेर बन्द भएको छ। अघिल्लो दिन सोमबार सार्वजनिक बिदा परेकाले सेयर कारोबार भएन। त्यसअघि आइतबार  नेप्से परिसूचक २१.१२ अंकले घटेको थियो।आज यो सेसनमा ४.११ अंकले बढेको हो। प्रि ओपन सेसनमा ५७ स्टक्सको १२ हजार ८४४ कित्ता सेयर ७८ लाख ७९ हजार  ७३ रुपैयाँमा खरिदबिक्री भए। जसमध्ये २१ स्टक्सको मूल्य बढेको छ भने २८ वटाको मूल्य घट्यो। बाँकी ८ स्टक्सको मूल्य भने सो सेसनमा स्थिर रह्यो।