मकवानपुर, 

मकवानपुरमा कुटपिटबाट एक जनाको मृत्यु भएको छ । कुटपिटबाट घाइते भएका मकवानपुरको थाहा नगरपालिका-१० मुलगाउँका अन्दाजी ५३ वर्षीय हिराकाजी गोपालीको उपचारको क्रममा मृत्यु भएको हो ।

गत सोमबार आगो ताप्ने क्रममा सामान्य विवाद हुँदा जयराम गोपालीले उनीमाथि कुटपिट गरेका थिए। टाउकोमा चोट लागेर गम्भीर घाइते भएका हिराकाजीलाई उपचारका लागि काठमाडौं ल्याइएको थियो। काठमाडौंको दीर्घायू अस्पतालमा उपचारका क्रममा गएराति उनको मृत्यु भएको जिल्ला प्रहरी कार्यालय मकवानपुरले जनाएको हो।

कुटपिट गर्ने जयराम गोपालीलाई नियन्त्रणमा लिएर घटनाबारे थप अनुसन्धान भइरहेको प्रहरीले जनाएको छ।