काठमाडौं : उपप्रधानमन्त्री एवं शहरी विकास मन्त्री प्रकाशमान सिंहले तीनै तहको सरकार अधिकार सम्पन्न नहुँदा अहिलेको जटिल अवस्था आएको बताएका छन्। सहिद स्मृति प्रतिष्ठानले सोमबार आयोजना गरेको विचार गोष्टीमा उनले जनताको चाहना र देशको आवश्यक्ताअनुसार संविधान संशोधन हुन सक्ने बताएका हुन् ।

नेता सिंहले प्रक्रिया पूरा गरेर संविधान संशोधन गर्न सकिने बताए। ‘यो संविधानको विशेषता नै प्रक्रिया पूरा गरेर संविधानमा जनताको माग र समयको आवश्यकता अनुसार संशोधन गर्न सकिने प्रावधान हो ।  जनताको माग र देशको आवश्यकताअनुसार संविधान संशोधन हुन सक्छ’, उनले भने,‘३ तहको सरकारले अधिकारसम्पन्न भएर काम गरेको भए यो तहमा पुग्दैनथ्यौ भन्ने मलाई लाग्छ ।

’उपप्रधानमन्त्री सिंहले वर्तमान सरकारले रोजगारी सिर्जना गर्ने, उद्योग संचालन को वातावरण बनाउने  र अर्थतन्त्रलाई  ठिक ठाउँमा ल्याउनु सरकारको प्राथमिकता रहेको बताए  ।

अहिलेको परिस्थिति सुधार गर्न र जनतालाई राहत दिन  उद्देश्यले नै कांग्रेस एमालेसहित साना दल सम्मिलित सरकार गठन भएको बताए।