सिराहा : कलको पानी जम्ने खाल्डोमा डुबेर बालकको मृत्यु भएको छ। कर्जन्हा नगरपालिका-६ बडहारा मिर्चैया बस्ने सुजित पासवानको छोरा डेढ वर्षीय रितिकको आफ्नै घर अगाडि रहेको कलको पानी जम्ने खाल्डोमा डुबेर मंगलबार बिहान मृत्यु भएको हो।

डुबेर अशक्त भएका उनको फूलकुमारी महतो मेमोरियल अस्पताल कर्जन्हामा उपचारका क्रममा मृत्यु भएको जिल्ला प्रहरी कार्यालयले जनाएको छ। यस सम्बन्धमा प्रहरीले आवश्यक अनुसन्धान गरिरहेको जनाएको छ।