धनगढी– जिल्ला समन्वय समिति कैलालीको प्रमुखमा नेपाली कांग्रेसकी उम्मेदवार टीका चौधरी (भुल) निर्विरोध निर्वाचित भएकी छन् । 

नागरिक उन्मुक्ति पार्टीकी उम्मेदवार रूपमती डगौरा थारूले उम्मेदवारी फिर्ता लिएसँगै कांग्रेस उम्मेदवार चौधरी निर्विरोध निर्वाचित भएकी हुन् ।

कांग्रेस सुदूरपश्चिम कार्यसमितिका प्रवक्ता सुरतबहादुर रावले नागरिक उन्मुक्ति पार्टीले उम्मेदवारी फिर्ता लिएपछि चौधरी समन्वय प्रमुखमा निर्विरोध विजयी भएको जानकारी दिए । भुल गत स्थानीय तह निर्वाचनमा कैलाली गाउँपालिका-२ बाट दलित सदस्यमा विजयी भएकी थिइन् ।

जिल्ला समन्वय समिति प्रमुख पदमबहादुर कलेलको निधनपछि रिक्त रहेको कैलाली जिल्ला समन्वय समिति प्रमुखको पदका लागि मंसिर १६ गते निर्वाचन हुँदैछ ।