लेबनानमा आक्रमणमा परेका नेपाली सेनाका उपरथी चोकबहादुर ढकाल काठमाडौं आएका छन् । उनी बिहान साढे ९ बजे कतार एअरवेजको उडान नम्बर क्युआर ६५२ मा दोहा हुँदै आएका हुन् ।

संयुक्त राष्ट्र संघको आह्वानमा शान्ति स्थापनार्थ युनिफिल मिसन लेबनानमा डेपुटी कमाण्डरको रुपमा कार्यरत ढकालमाथि स्वदेश फर्कने तयारीमा विमानस्थलतर्फ जाँदै गर्दा अस्ति उनी सवार सवारी साधनमा आगजनी गरिएको थियो ।

सेनाका अरु सवारी साधनले इस्र्कटिङ गरेको अवस्थामा ढकाल चढेको गाडीलाई रोकेर आगजनी गरिएको नेपाली सेनाको भनाई छ । घटनामा ढकालसँगै अन्य चार जना नेपाली सैनिकहरु पनि घाइते भएका छन् । स्थानीय अस्पतालमा उपचारपछि ढकाल स्वदेश आएका हुन् ।

ढकाललगायत सैनिकहरुमाथि आक्रमणसँगै आगलागीअघि प्रदर्शनकारीले सवारी साधनमा लुटपाट मच्चाएका थिए ।