काठमाडौँ । दैलेखमा चट्याङ लागेर ६ जना घाइते भएका छन् । आज अपराह्न ४ : ३० बजे भगवतीमाई गाउँपालिका ५ सङखोलमा गोठाला गएका बालिकालाई चट्याङ लागेको हो ।

जिल्ला प्रहरी प्रमुख एवं प्रहरी उपरीक्षक (डीएसपी)सुनिल दाहालका अनुसार चट्याङ लागेर १४ बर्षीया विपना थापा मगर, १६ वर्षीया संगीता थापा मगर, वर्ष १५ कृष्णा थापा मगर, ११ बर्षीया करिस्मा थापा मगर, १५ बर्षीया सम्झना थापा मगर र वर्ष १३ की चेतना थापा मगर रहेका छन् ।अनुसार घाइते मध्ये संगीताको अवस्था गम्भीर रहेको डीएसपी दाहालले बताए । उनीहरूको जिल्ला अस्पतालमा उपचार भइरहेको छ ।