काठमाडौं । अति नै जरुरी काम बाहेकका अन्य काम नगर्न, नगराउन ग्रील तथा स्टील व्यवसायी महासंघले सबै सदस्यहरुलाईनिर्देशन दिएको छ । ग्रील तथा स्टील उद्योग व्यवसायी महासंघको मातहतका जिल्ला संघ, क्षेत्रिय समिति र ईकाई समितिले गर्दै आएको सभा, सम्मेलन, गोष्ठी, तालिम, भेला लगायतका कार्यक्रमहरु सरकारले अर्को सूचना जारी नगर्ने समयसम्म स्थगित गर्न अध्यक्ष मोहन कटुवालले निर्देशन दिएका छन् । महामारीको रुपमा फैलिएको कोरोनाबाट बच्नका लागि उद्योगी, व्यवसायी, कर्मचारी, आश्रित परिवार एवंम छरछिमेकीहरुमा सुरक्षित तरिकाले सचेतना कार्यक्रम गर्न गराउन महासंघले सक्दो प्रयास पर्ने अध्यक्ष कटुवालले जानकारी दिएका छन् ।
यस बिषयमा तपाइको प्रतिक्रिया...!