उनले आफ्ना शुभेच्छुकलाई सकेसम्म म्यासेञ्जरबाट सन्देश पठाउन अनुरोध गरे। प्रधानमन्त्री ओलीले भेटमा पनि खादा/माला प्रयोग नगर्न अनुरोध गरेका छन्।

‘विभिन्न माध्यमबाट शुभकामना र बधाईका सन्देश आइरहेका छन्, प्रत्यक्ष भेटेरभन्दा डिजिटल माध्यमबाट शुभकामना, बधाई दिँदा साथीहरूको समयको पनि बचत हुन्छ।’ प्रधानमन्त्री ओलीले भनेका छन्, शुभेच्छुक सबैलाई सकेसम्म म्यासेञ्जरबाट सन्देश पठाउन र भेटमा पनि खादा माला प्रयोग नगर्न अनुरोध गर्छु।’

एमाले र कांग्रेसको गठबन्धनबाट नयाँ सरकार बनेको हो। ओलीले गत शुक्रबार दाबी पेश गरेपछि आइतबार प्रधानमन्त्रीमा नियुक्त भएका हुन्। सोमबार शितलनिवासमा सपथ ग्रहण र सिंहदरबारमा पदभार ग्रहण गरेसँगै सिंहदरबार र बालुवाटारमा प्रधानमन्त्री र मन्त्रीलाई बधाई तथा शुभकामना दिनेको भीड बढेको छ।