February 25, 2025, 4:12 pm
» सञ्चालक समिति र नियमन आयोगबाट स्वीकृत नभए भारतसँग विद्युत आयात हुदैन- प्राधिकरण » कुलमानलाई ऊर्जा मन्त्रालयले तेस्रो पटक सोध्यो स्पष्टीकरण » ताप्लेजुङको निषेधाज्ञा हटाइयो » मौद्रिक नीतिको दोस्रो त्रैमासिक समीक्षा सार्बजनिक, के के छन् प्रमुख विशेषता ? » धनगढीमा राप्रपाको बाइक र्याली

सत्तारुढ दलको निष्कर्ष- रवि प्रकरणमा रास्वपाले सडकबाट अदालतलाई धम्क्यायो

कार्तिक ७, २०८१ मा प्रकाशित | ६२०दर्शक तीव्रखबर

काठमाडौं- सत्ता साझेदार दलहरूले सडकमा भीड जम्मा गरेर सहकारी ठगी प्रकरणको छानबिन प्रक्रियालाई प्रभावित गर्ने राष्ट्रिय स्वतन्त्र पार्टी (रास्वपा) का गतिविधि लोकतान्त्रिक दृष्टिकोणले उचित नभएको निष्कर्ष निकालेका छन् ।

सरकार गठनको सय दिन पूरा भएको अवसरमा बुधबार प्रधनमन्त्री निवास बालुवाटारमा बसेको सत्ता साझेदार दलहरूको बैठकले सभापति रवि लामिछाने पक्राउको विरोधमा रास्वपाले पोखरामा गरिरहेको आन्दोलन उचित नभएको निष्कर्ष निकालेको हो ।

‘स्वाभाविक रुपमा छानबिन र न्यायिक निरुपणको आफ्नो विधि र प्रक्रिया हुन्छ । त्यसअर्थमा छानबिन प्रक्रिया अगाडि बढिरहेका बेला सडकमा भीड जम्मा अदालतलाई प्रभावित गर्ने हिसाबले गतिविधि गर्ने कुरा लोकतान्त्रिक दृष्टिकोणले उचित कुरा होइन,’ बैठकमा सहभागी नेकपा एमालेका महासचिव शंकर पोखरेलले भने ।

उनले संसद्ले नै छानबिनका लागि निर्देशन दिएको अवस्थामा सहकारी ठगी प्रकरणको प्रक्रिया अगाडि बढेको विषयलाई रास्वपाले सहज रूपमा लिनुपर्ने पनि बताए ।

‘फौजदारी अभियोगमा छानबिन चलिरहेका बेला सडकबाट छानबिनको प्रक्रियालाई प्रभावित गर्ने कुरा उचित होइन,’ पोखरेलले भने, ‘संसद्ले नै छानबिनका लागि निर्देशन दिएको अवस्थामा छानबिनका लागि प्रक्रिया अगाडि बढेको कुरालाई सहज रूपमा लिनुपर्दछ ।’

उनले रास्वपा सभापति लामिछाने पक्राउ प्रकरणलाई लिएर फौजदारी अभियोगको छानबिन भइरहँदा सडकबाट अदालतलाई धम्क्याउने कुरा स्वीकार्य नहुने पनि बताए।

प्रतिक्रिया