काठमाडौं : ललितपुरको कुपन्डोलस्थित बागमती नदी किनारामा एकजना पुरूषको शव भेटिएको छ। आइतबार बिहान ८ बजेतिर ललितपुर महानगरपालिका वडा नम्बर १ को कार्यालय नजिकै बागमती नदी किनारामा अन्दाजी ४०/४२ वर्षीय पुरूषको शव भेटिएको ललितपुर प्रहरीले जनाएको छ।प्रहरीका अनुसार शव घोप्टो परेको अवस्थामा भेटिएको हो। शवको पहिचान खुलेको छैन। शव बाढीले कतैबाट बगाएर ल्याएको हुनसक्ने प्रहरीको अनुमान छ।