काठमाडौं– नेकपा एमालेका पूर्वउपाध्यक्ष वामदेव गौतम आलोकनगरस्थित नेकपा एकीकृत समाजवादीको पार्टी कार्यालयमा पुगेका छन् ।

तत्कालीन नेकपा विभाजनपछि अलग बस्दै आएका गौतम पछिल्लो समयमा समाजवादीमा प्रवेश गर्ने चर्चाबीच आलोकनगर पुगेका हुन् ।

अहिले आलोकनगरमा समाजवादीका अध्यक्ष माधवकुमार नेपाल र नेता गौतमबीच भेटवार्ता भइरहेको छ ।

पछिल्लो समय पार्टी एकताका सन्दर्भमा दुई नेताहरूबीच वार्ता चलिरहेको छ । वामदेवलाई वरिष्ठ नेता नेता दिने तयारी छ  तर अझेसम्म टुंगोमा पुगिसकेको छैन ।