काठमाडौं– नेपाल प्रिमियर लिग (एनपीएल) अन्तर्गतको दोस्रो क्वालिफायरमा कर्णाली याक्सका ब्याटर नचल्दा जनकपुर बोल्ट्सले ११९ रनको सहज लक्ष्य पाएको छ ।

कीर्तिपुर मैदानमा टस हारेर पहिले ब्याटिङको निम्तो पाएको कर्णाालीले २० ओभरमा ९ विकेट गुमाउँदै ११८ रन बनाएको हो ।

क्वालिफायरमा जनकपुरका बलर सामु कर्णालीका ब्याटर टिक्न सकेनन् । गुलशन झाले सर्वाधिक २५ रन जोडे । उनले २० बलमा १ चौका र २ छक्काको सहयोगमा २५ रन जोडे ।

२० बल खेलेका अर्का ब्याटर ओपनर देव खनालले २४ रन बनाएर । उनले ३ चौका र १ छक्का प्रहार गरेका थिए ।